صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه
مره اشوفكم مشمش...مرتين
وكلبي مو مره حب...مرتين
العنده مره هلكانوانه...مرتين
وحده ترفع والثانيه تكبس بيه
الكلب عاف البشر كلهم والك راد
مشة مسافر تذكركم والك رد
عرب ما طيبو علتي ولاكراد
دواية انتة يهل مبعد علية
صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه
اغرمت كلبي واريد اغلي رامه
وشيل العشك منه والغي رامه
علي هذا مالخطط والغرامه
لان حبك كسر غفله عليه
اجزع لا تضن منك واهملك
حملت همين هم ليه وهم لك
الك شوك ابوسط كل وهم لك
عيوني اثينهم يبجنلك سوي
الكلب عاف البشر كلهم والك راد
مشة مسافر تذكركم والك رد
عرب ما طيبو علتي ولاكراد
دواية انتة يهل مبعد علية
صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه
عكب شخصك حياتي شلي بيها
وجميع اعضاي صارت شلبيها
تودلي رسايلك شليبيها
اريدن شوفتك ونكعد سويه
نبع العمر للينشد علينه
وثوب الحزن لايك علينه
وحق العباس والحسين وعلينه
تظل كول العمرغالي عليه
من هجرك بقه الدلال بس تك
ولا تلعب على الحبلين بس تك
امس بالطيف مدري امين بستك
لان كلك حلو وتااهت عليه
افرح لو شفت وجهك واسر بيه
وحبك بالكلب ثابت وسر بيه
شما طالع الدرب لمشي وسربي
واجيب الروح لعيونك هديه
جثير الهم على كلبي تراكم
وكصيتو وياي يحبابي تركم
تود العين كل لحضه تراكم
ولو بالطيف مرتكم عليه
ساكني الدهر من فركاك بس مر
واشهد ما شفت من دنياي بس مر
رمش عيني افرشه ببساط بس مر
ترد الروح من تسأل عليه
طحتلي بناس عكبك فطراني
ونهر يابس وهجرك فطراني
صوتك وانا صايم فطراني
من اشوفن صورتك شيصير بيه
مريض وصعد مرضي على اشفاي
طب لندن فلا كدر على اشفاي
حبيبي من تحط شفتك على اشفاي
اطيب وايضل كل مرض بيه
احبك دوم صدك وانتشي لك
وشي ماعندي يمك وانته شي لك
اذب الناس كلها وانت شيلك
على راسي وغصب غصبا عليه
احبك حب تجهله الخلق والناس
ومايصح غيرك للكلب وناس
على وجهك قريت الفلق والناس
يحفضونك يابعد بيتي اليه
احباب النردهم ماردونه
ومثل مرد الطماطه مردونه
وصرت طوبه واليجوت ما ردونه
وبعد يا كوالجي اليلحك عليه
يلبهمك ملابس لابستني
وبغيابك ثوب الحزن لبستني
شفتني لاصالحتني لبستني
و لاكتلي بالجذب حقك عليه
حبيبي اشكد وفي ومخلص وصادق
واعزك ما اعز غيرك وصادق
وحك الحسين والباقر والصادق
تضل دوم انت اعز انسان اليه
قلب صافي اذا ترغب كلبنه
وابد مايوم عن واحد كلبنه
واحنه الك اضلوع وانته كلبنه
ونبض كلبك يرد الروح اليه
اسهامك بالكلب صابن ولاحن
وكلبك مابجه الحالي ولا حن
بسبب حبك صرت شاعر ولاحن
واحن للما يحن كلبه عليه
اشد روحب بحبل شوكك فلا فل
وجندي انه اصيرلك فلا فل
ويريت انه ابلفتك اصبح فلافل
واحس بعضت اشفافك اليه
وحك الله بسماه السبعه وبأرضه
ابغيرك لاتضن اقنع وارضه
عشرتي وياك عشره خشب وارضه
تاكلني وتضل اتعيش بيه
ببسي ما اريد النوب وشربت
ووكفت عد نهر حسنك وشربت
عماله كمت اشتغل واشربت
وطك كاشي والبخ بديه