الفرق بين السورية و العراقية هههههههه

اذا وقع زوجها من الدرج:

السوريه: ويلي على آمتي، سلامتك حبيبي أنشاء الله ، انا ولا انتا ابن عمي .. كأنما ميتة خوف عليه


بينما العراقية :ها شبيك دخت ؟ الله ما يضرب الناس بحجار!!



اذا الزوج يريد يسافر:




السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه

العراقية :أسبوع هي إمبوزة قبل السفر، وكل شوي دموع، وشوكت تروح؟ ويامن راح تطلع هناك ؟ مو تباوع عالبنات !! إحلف إنك مراح تروح على أماكن فيها بنات! ما تتأخر اخاف ينقصنا شي وانت مسافر. وكل يوم تتصل بالتلفون علمود تشوف وينك و تكلك إنه الولد مصخن، وبنتك تريد تموت، كل المصايب بتكلكياها تلاحقك فيها وين ما تروح


إذا الزوج تأخر بره فى شغل او مع صديق:
السورية : شو إبن عمي! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليية كثير مره تانيه عشان بشتائلك أنا (يؤبرني دلع الشام!)..

العراقية : شرّفت !! وين جنت؟ مهو أني كائنة حيوانه بالبيبت طول نهاري أكنس وأمسح !! ويامن من أصحابك التعبانين جنت؟ إي شجبتلنا وياك ؟وللا جاي إيد ورة وإيد كدام زين عرفت إلك بيت واجيت


إذا طلبت شى منه :

السورية: إبن عمي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

العراقية: إغلط مرة وجيبلك شغله حلوة معك بقلاوة وللا زلابية اريد أحلي حلكي إللي مرّر من هالعيشة إللي تذبح


إذا جابلها هدية

السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري



العراقية : والله غاب وجاب!!، وياما جاب الغراب لأمه، منين جايبها وشكد سعرها هاي، لو جايب مسواك للبيت مو احسن


اذا تريد شي منها


السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي



العراقية : مو حرام نستريح شوي، لازم حياتي تظل تعب ونكد، هو ماكو غيرك بالبيت.ماعندي مجال وللا اكلك اطلع من البيت فك عني ياخة روح شوفلك شغله سويها، طكت مرارتى من شغل البيت اففففف اففففف.


لو طلب منها استكان جاي:


السورية : من عيونى ابن عمى، أحلا كوب شاي من إيدياتى يستاهل ثمك، وبدياتى راح شربك كمان، تعبك راحة ابن عمي، ما في اغلا منك حبيب ألبي


العراقية : تريد جاي ؟ اصدقائك ملطوشين بالكهوة روح اشرب وياهم، وللا أكلك روح عد امك تسويلك جاي، قابل أترك شغلي وأسويلك جاي؟؟ هذا اللي ناقص، ياااا رب موتني وخلصني من هالعيشة اللى تكصر العمر


اذا كالها (تردين شي) وهو طالع:

السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟



العراقية : لأأأأ (مع تبويزه طولها شبرين)... ما اريد شي .وين تريد تروح؟ ويامن راح تكعد؟ انشالله تطوّل وتخلّيني وحدي مثل الخبلة ولو اكلك جيب وياك حفاظات للولد وإنت جاي.


الذوق والتنويع فى الاكل:



السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها معدنوس راح تسويلك تبولة هههههههههه يكفى انها راح تقعد جنبك وتفتح نفسك على الأكل، تكولك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.



العراقية : لو عندها كل أنواع الخضار، والثلاجة مليانة اغراض ولحم وسمك، هو هو ماكو غير التمن والمرك والدولمة بالزايد والمقلوبةوالبرغل اذا جانت مصلاوية وإذا تعبت روحهة دجاجة مشمورة بالفرن، هذا اذا كنت محظوظ و ما حكتلك ماكو طماطة و خيار روح اشتري، أو خلص الغاز بنص الطبخه، روح جيب غاز اذا تريد تاكل. طبعا بوزها عالسفره شبرين، وبتبلش ضرب بالولد علمود طش الماعون، وحديثها بيكون كالتالي: اليوم اجة ابو المولدة يريد الاجار مال الخط لو يكول راح اكطعة والمي اجتي القسيمة مالتة وشوكت راح تدفعهم ؟ اليوم انكسرت الحنفية وأنا اغسل المواعين، روح جيب ابو البواري (طبعا بوري) يصلحها بس تخلص أكل، إبنك يريد عشرتالاف دينار يشتري قندره.
وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل مثل الخل



تقبلوووو تحياتي

حلوووووووة
شكرا براء على المشاركة المميزة

جميل جدا براء انت مبدع

شكرررررررررررررررا شباب

ومشكورين ع المرور

براء حبي شكرا على هذا الموضوع بس انت لتضل هيج تحجي على النسوان العراقيات انت امك مو عراقية هيج تصنف عليهة

لا طبعا اني مدا اصنف لا ع امي ولا ع امك

طبعا هذا الموووضوع مو ع الكل بس ع بعض العراقيات مع احترامي لجميع العراقيات